શબ્દોનું તોરણ

ખુશી

એકધારી ઝડપે જતી ગાડીને આકાશે અચાનક સાઈડમાં પાર્ક કરી દીધી, અને પાછળની વિન્ડોમાંથી કશું જોવા માંડ્યો. શીતલને આશ્ચર્ય થયું “શું થયું, ગાડી કેમ ઉભી રાખી ?“ જવાબમાં આકાશ થોડું હસ્યો અને પત્ની શીતલને “ચાલ” કહેતા એ ગાડીનો દરવાજો ખોલવા માંડ્યો. શીતલ વિસ્મયથી આકાશને જોતી ગાડીમાંથી ઉતરવા લાગી. એસી ગાડીમાંથી ઉતરતા જ શીતલને તાપ લાગવા માંડ્યો. શીતલ આકાશ પાછળ થોડું ચાલી ત્યાં જ તેને ખ્યાલ આવ્યો કે આકાશ ક્યાં જાય છે ! હાઈવે રોડની સાઈડમાં એક નાના ઝાડનીચે એક દસેક વર્ષની છોકરી બેઠી હતી. દૂધિયા લાકડામાંથી બનાવેલા ક્રિકેટ રમવાના બેટ વેંચવા !, નાનામોટા વીસ પચ્ચીસ બેટ ગોઠવ્યા હતા, શીતલ હજુ તો અડધે હતી ત્યાં તો આકાશ લગભગ એ છોકરી પાસે પહોચી ગયો !. આવા તડકામાં ક્યારેક ક્યારેક આવતી હવાની ગરમ લહેરખીના સહારે બેઠેલી એ નાનકડી છોકરીના ચહેરા પર “ઘરાક” આવતા જોઈ ખુશી મહેકી ઉઠી. ’હા સાએબ’ કહેતા એ ઉભી થઇ ગઈ. શીતલ પણ ત્યાં આવી પહોચી “તારે બેટને શું કરવું છે ? મંથન પાસે તો બે સીઝનના બેટ છે અને તેને આવા બેટ ગમશે નહિ”. આકાશે શીતલની વાત સાંભળી ન સાંભળી કરીને એક બેટ હાથમાં લીધું અને ક્રિકેટ રમતો હોય તેમ હવામાં વીંઝીને બેટને ચકાસવા લાગ્યો. “આનું શું છે ?” આકાશે પેલી છોકરીને પૂછ્યું. થોડીવાર વિચારીને છોકરીએ જવાબ આપ્યો “બસો ત્રીસ”. ‘હં’ નો ઉદગાર કાઢીને આકાશ પેલી છોકરી સામે જોઈ રહ્યો, અને પછી પૂછ્યું “તારા મમ્મીપપ્પા ક્યાં છે ?“. જવાબમાં પેલી છોકરીએ બાજુના ખેતરમાં આવેલી એક નાની ઓરડી તરફ ઈશારો કરીને કહ્યું “જમવા ગ્યા છે”. “તું ભણવા જાય છે ?” આકાશે બીજો પ્રશ્ન કર્યો. “હા સાએબ સવારે જાવ છું” કહેતા જ છોકરીથી મીઠું હસી જવાયું. આકાશ પણ હસી પડ્યો, તેણે પાકીટમાંથી બે સો સોની અને એક પચાસની નોટ કાઢીને છોકરી સામે ધરી ! શીતલ વચમાં જ બોલી ઉઠી “આટલા બધા ન હોય“ પણ ત્યાં સુધીમાં તો આકાશે રૂપિયા પેલી છોકરીના હાથમાં આપી દીધા. રૂપિયાની નોટો જોઈને છોકરીના ચહેરા પરની મૂંઝવણ આકાશ સમજી ગયો “બાકીના વીસ રૂપિયા તું વાપરજે” કહેતા આકાશ બેટ લઈને પાછો ફર્યો. પેલી છોકરીના ચહેરા પર ખુશી મલકી ઉઠી.
શીતલને હજું કંઈ સમજાતું ન હતું, ચહેરા પર અણગમા સાથે એ ગાડીમાં બેસી “તારે બેટને શું કરવું છે અને તે કહે એટલા આપી દેવાના ?”. જવાબમાં આકાશે શીતલને એક સ્મિત આપ્યું અને ગાડી સ્ટાર્ટ કરી. મનોમન આકાશ યાદ કરતો રહ્યો, આજ સવારે જ વોટ્સએપ પર એક મેસેજ વાંચ્યો હતો. મેસેજમાં એક ચિત્ર હતું, આવા જ નાના છોકરાનું, કશું વેચતો હોય એવું. ચિત્રનીચે બે વાક્યો લખ્યા હતા,
‘કભી ઇનસે બેબજહ હી કુછ ખરીદ લિયા કરો,
યે વો લોગ હૈ જો ભીખ નહિ માંગતે”
ગાડી પાછી એકધારી સ્પીડે દોડવા લાગી.

Advertisements

અમારા કહ્યામાં નથી….

જે માતાપિતા પોતાના બાળકોને વખતસર કશું કહેતા નથી તેઓ આગળ જતા કોઈને કશું કહેવા જેવા રહેતા નથી અને પછી છાપાઓમાં ‘અમારો પુત્ર કે પુત્રી અમારા કહ્યામાં નથી, તેની સાથે કોઈપણ પ્રકારના વ્યવહારની જવાબદારી અમારી રહેશે નહિ જેની સર્વે નોંધ લેવી’ એ મતલબની જાહેરખબર આપતા હોય છે. Read the rest of this entry »

વળાંક

‘શું શું જોઈશે ?’ સોહામણા દેખાતા યુવકે પૂછ્યું.
‘તમારા બંનેનું લીવીંગ સર્ટી, ચૂંટણીકાર્ડ, એક બંનેનો કમર સુધીનો ફોટો, અને એક છોકરીનું સોગંધનામું બસ આટલું જ’ એડવોકેટ નિશાંતે જવાબ આપ્યો.
‘કેટલો સમય લાગશે ?’ બીજો પ્રશ્ન થયો, સામે જવાબ તૈયાર જ હતો ‘તું ડોક્યુમેન્ટ્સ આપ એટલે તરત જ’.
‘પછી કોઈ તકલીફ ….’ યુવક મૂંઝવણમાં લાગતો હતો. એડવોકેટ નિશાંત યુવકની મનોસ્થિતિ પામી ગયો, તેણે યુવકના ખભ્ભા પર હાથ રાખીને કહ્યું, ‘દોસ્ત, તું નાહક ચિંતા ન કર, મારી પાસે તું પહેલો નથી, આની પહેલા મેં અનેકના સિવિલમેરેજ કરાવી દીધા છે, અને કાયદાકીય રીતે તને કોઈ ‘ટચ‘ પણ નહિ કરી શકે તેની જવાબદારી મારી, તું નિશ્ચિંત રે, બધા ડોક્યુમેન્ટ્સ લઈને મારી પાસે આવી જા, તારું કામ થઇ જશે’. Read the rest of this entry »

હસના જરૂરી હૈ

છગન અને મગન નામના બે ભાઈઓ હતા. એમાં છગનના મૂખ પર હંમેશા હાસ્ય છલકાયેલું રહેતું. જ્યારે મગન હંમેશા મૂંઝાયેલો રહેતો. છગન વાતેવાતે હસતો, મગન ભાગ્યેજ હસતો.
એક દીવસ બંને ભાઈઓ પોતપોતાના સ્કુટર પર પોતપોતાના કામધંધે જવા નીકળ્યા. રસ્તામાં છગન અને મગન બંનેને અકસ્માત નડ્યો, જો કે અકસ્માત બહુ ગંભીર ન હતા. માત્ર સામસામે સ્કુટરના વ્હીલ અથડાયા. વ્હીલ ટકરાયા એટલે તરત જ છગનના મૂખ પર લાખેણું હાસ્ય તરવરી ઉઠ્યું, આના જવાબમાં સામાવાળાએ પણ ધરાર હાસ્ય આપવું પડ્યું, અને છગનનો મામલો ત્યાજ સમેટાઈ ગયો. બંને મુસાફરો હસતા હસતા પોતાની મંઝીલ તરફ આગળ વધી ગયા.
મગનના સ્કુટરનું વ્હીલ ટકરાતા જ મગનનો પારો સડસડાટ ઉપર ચડી ગયો, અને તે એલફેલ બોલવા લાગ્યો, જોતજોતામાં મગન સામેવાળાની સાંભળવાની ક્ષમતાની બહાર જતો રહ્યો એટલે પેલાએ મગનને બોચીથી પકડીને તેની ધોલાઈ કરી નાખી,
આમ, બંનેની પરિસ્થિતિ સરખી હોવા છતાં મગનને ધોલાઈ મળી, જ્યારે છગનને મલાઈ મળી,
આપની હાલત પણ મગન જેવી ન થાય તે માટે હંમેશા હસતા રહેજો……..
( ઉપરનો ટુચકો વર્ષો પહેલા અમસ્તો જ રમુજ ખાતર લખેલો, પણ મને લાગે છે કે તે આજે પણ એટલો જ પ્રસ્તુત છે. )

આખરે કોંગ્રેસ જીતી ખરી ! છેલ્લા બાર બાર વર્ષોના વનવાસ પછી આખરે ગુજરાત કોંગ્રેસના નશીબ ફર્યા, છતાં બધા કોંગ્રેસીઓ કેમ કોઠીમાં મો ધાલીને સંતાતા ફરે છે તે મને સમજાતું નથી. ગુજરાત કોંગ્રેસ જેના માટે બાર બાર વર્ષોથી અથાગ અને અવિરત મહેનત કરતી હતી, તેમાં સફળતા મળી, છતાં, કોંગ્રેસ ખુશ કેમ નથી ? ગુજરાત કોંગ્રસનું એકમાત્ર ધ્યેય હતું કે મોદી મુખ્યમંત્રીની ખુરશી છોડે.
…તો બોસ, નરેન્દ્ર મોદીની ગુજરાત CMની ખુરશી છૂટી ગઈ, છતાં કોંગ્રેસીઓ તરફથી ફટાકિયા ફૂટવાનો અવાજ આવ્યો નહિ, મને તેનું આશ્ચર્ય થાય છે. ભલા માણસ, આપણી ઈચ્છાપૂર્તિ થઇ તે જ મહત્વનું છે તે કઈ રીતે થઇ તે મહત્વનું નથી. ગુજરાત કોંગ્રસ જશ્ન મનાવવાનો આવો રૂડો અવસર કેમ કરીને જતો કરી શકે ?
લોકસભામાં ભાજપને મળેલ વિજય પછી તરત જ કોંગ્રસને મળેલી આ વિજયની સુવર્ણ તક છતાં કોંગ્રેસ ચુપચાપ કેમ બેઠી છે ? બી હેપ્પી…

ગેમ પ્લાન.
મૂળ આપણે રહ્યા બિનરાજકીય અને લાગણીશીલ એટલે આપણે મન બધા સરખા. એટલે આ લોકસભાના પરિણામ પછી ભાજપને અભિનંદન આપીને બંદા પહોચી ગયા સીધા એક કોંગ્રેસી મિત્રને મળવા, તેને દિલાસો દેવા. હું જાણે કોઈના ખરખરા માં જતો હોવ એવા મનોભાવ સાથે તેઓશ્રીના ઘરમાં પ્રવેશ્યો. પરંતુ મારી ધારણા વિરુધ તેઓ પોતાના આંગણામાં આરામથી ઝૂલામાં ઝૂલતા હતા, મને જોઈને તરત જ ઊભા થઈને મને ઉષ્માથી આવકાર આપ્યો. મેં હજી મારા હાવભાવ ગંભીર રાખ્યા હતા, એટલે તેઓ મારા ખભા ઉપર એક હળવી થપાટ મારી ને બોલ્યા ‘શું યાર મૂંઝાયેલા લાગો છો ? કઈ તકલીફ ?’ એટલે મેં ખોંખારો ખાઈને કહ્યું ‘યાર તમારી પાર્ટીનો ટોટલ વ્હાઈટ વોસ થઇ ગયો, પરિણામો જાણીને મને પણ આંચકો લાગ્યો, બહુ ખરાબ પરિણામ કહેવાઈ નહિ ?’ પણ તે સાથે જ પેલા મારા મિત્ર ખડખડાટ હસી પડ્યા, હું ફાટી આંખે તેમને જોઈ રહ્યો. ક્ષણવાર મને થયું કે પરિણામોના આધાતને કારણે તેમની માનસિક સ્થિતિ …પણ ત્યાં તો તેઓ હસતા હસતા બોલ્યા, ’શું યાર તમે પણ, ફસાય ગયાને અમારી ચાલમાં !’. ‘ચાલમાં‘ મને કશી ગતાગમ પડી નહિ, તેઓ બોલ્યા ‘વેલ આમ તો આ અમારી પાર્ટી સિક્રેટ છે, પણ તમને કહેવામાં વાંધો નહિ.’ મારી ઉત્કંઠા ઉલાળા મારવા માંડી, ‘પાર્ટી સિક્રેટ ?’ તેઓ બોલ્યા ‘યેસ, પાર્ટી સિક્રેટ, વેલ ધીસ ઇઝ પોલીટીક્સ, અને આમાં સામ,દામ,દંડ, ભેદ, બધું કરવું પડે‘
‘હું સમજ્યો નહિ !’ મેં બધાની જેમ કહ્યું. ‘જુઓ છેલા બાર બાર વર્ષથી મોદી ખુરશીમાં ફેવિકોલની જેમ ચોંટી ગયા હતા, અમારી પાર્ટીનો એકમાત્ર અને મુખ્ય ઉદેશ્ય મોદીને CMની ખૂરશી પરથી ઉઠાડી મુકવાનો હતો. એટલે આ લોકસભાની ચૂંટણીમાં અમે એક નવો જ વ્યૂહ અજમાવ્યો જેમાં અમારા પક્ષને જબરજસ્ત સફળતા મળી, જોયું ને નરેન્દ્ર મોદીને ગુજરાતની ખુરશી છોડવી પડીને !

ભાજપ માટે હવે કપરા ચઢાણ….
આગામી દિવસોમાં ભાજપ માટે હવે ખૂબજ કપરા દિવસો આવવાના છે.
કેમ ?
ભલા માણસ ! ગુજરાત કોંગ્રેસને હવે કશું ગુમાવવા નો ભય રહ્યો નથી. અને જે દુશ્મન નિર્ભય અને નિશ્ચિંત હોય તેની સામે લડવું હંમેશા કપરું હોય છે……
(લખ્યા તા.૨૪-૫-૨૦૧૪ )

માયાવી

     ચૂંટણીના માહોલમાં પ્રાણીસંગ્રહાલયમાં ! એક નેતાનું ભાષાણ હતું. આ એજ નેતા હતા જે અદ્રશ્ય થવાની કળામાં પારંગત હતા. છેલ્લી ચૂંટણીમાં તેઓ વિજય થયેલા અને ત્યાર બાદ તેઓએ પોતાની માયાવી શક્તિનો પરચો દેખાડેલો તે ઠેઠ આજે સન્મુખ થયેલા. આ સમય દરમ્યાન આ વિસ્તારમાં સમસ્યાઓનો ગંજ ખડકાયેલો અને ત્યાંના પ્રાણીઓ ! આ સમસ્યાઓથી ગળા સુધી નહિ પરંતુ આખેઆખા ડૂબી ગયેલા.

આજ નેતા પ્રગટ થવાના છે, અને ભાષણ આપવાના છે તેવા સમાચાર મળતા જ બધા પ્રાણીઓ ત્યાં દોડી ગયા, અને નેતા ઉપર પોતાની ફરિયાદોનો મારો ચલાવ્યો. નેતા મંદ મંદ હસતા હતા. પ્રાણીઓએ નેતાને  ફરિયાદો , ગાળો અપશબ્દો દેવામાં લેશમાત્ર  ખામી ન રાખી. છતાં નેતાજી મંદ મંદ હસતા હતા.

પરંતુ નેતાની બાજુમાં ઉભેલા એક ગેંડાથી આ બધું સાંભળી શકાયું નહિ, અને તેના ઉપર આ અપશબ્દોની તુરંત અસર થઈ. ગેંડાની ચામડીમાં ધીરે ધીરે તિરાડો પડવા લાગી અને તેમાંથી રક્તસ્ત્રાવ ચાલુ થઇ ગયો. પ્રાણીઓ હજી પણ નેતાને ચોપડાવતા હતા પરંતુ નેતા હજી પણ મંદ મંદ હસતા હતા.

……અંતે ગેંડો ઢળી પડ્યો. પરંતુ નેતા હજી હસતા હતા. કારણ …. કારણ કે તે માયાવી હતા.

ભેટ

મારો  નવો હાસ્યલેખ   ‘ભેટ’    રીડ ગુજરતી પર પ્રકાશિત થયો છે.

આ ભેટ વાંચવા અહી   ક્લિક કરો.

ટૅગ સમૂહ